UZwelithini, 66, ushadelwe yiNdlovukazi uZola Mafu, 28, emcimbini wesintu ngoMgqibelo nobuthanyelwe ngabantu abangaphezu kuka-10 000, okubalwa uMengameli uJacob Zuma, umholi weNkatha Freedom Party uMangosuthu Buthelezi noWinnie Madikizela-Mandela.
Kuhlatshwe izinkomo ezingaphezu kuka-60 nenqwaba yezimvu kulo mgcagco.
UMafu wakhethwa wuHlanga loMhlabathi eneminyaka engu-18 ubudala eseMkhosini woMhlanga eSwazini, ngokusho kwalo mbiko.
Ngaleso sikhathi uMafu wayefunda eSt Mark's High School, eMbabane, eSwazini.
UNgangezwe Lakhe kuthiwa wabe eseshaya izinkomo zelobolo ezingu-20 elobola uMafu, nezazingaphezulu ngeziyisishiyagalolunye kwezazibizwe ngumndeni kamakoti, eminyakeni eyisishiyagalombili eyedlule.
Abebehambele lo mcimbi bebevunule beconsa.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter