Bopha Bhakabhaka, kusho undunankulu

Durban - UNdunankulu waKwaZulu-Natal uSenzo Mchunu, ungene enkundleni iMoses Mabhida, wafingqa wabopha wena owabona kwenza iBhakabhaka ngaphambi komdlalo.

UMchunu wenze lokhu ehlonipha isilomo somdlali webhola uSenzo Meyiwa, obegijima eqenjini lesizwe iBafana Bafana ne-Orlando Pirates.

Izikhulu nabalandeli bebhola sebethelekile enkundleni okuzophelezela uMeyiwa, oshone ngeSonto ebusuku, ngemuva kokuthi edutshulwe wabulawa eseVosloorus, kubo kwentombi yakhe uKelly Khumalo.

Funda nalolu daba: Libafazi bedube inyama komaMeyiwa

Undunankulu uhambisana nezinye izikhulu zikahulumeni ekukhona kuzo noNgqongqoshe woMnyango wezeMpilo, uSibongiseni Dhlomo, ofike ngezithuba zawo-09:30, ekuseni.

Omunye wabahambele inkonzo yomngcwabo, uBongani "Mzekebhaka" Tshabalala, uphethe uqwembe oluphakamisa umkhankaso wokuthi kubuyiswe esikhundleni sikakhomishana, uBheki Cele.

"Ukwehla kwale ngozi kukhombisa ngokusobala ukuthi kumele kubuyiswe uBheki Cele. Kumele buphele nya ubugebengu," kusho  uTshabalala onguSihlalo wabalandeli beBhakabhaka eKatlehong.

Uphiko lwezokushushisa iNational Prosecuting Authority, luqnisekise ukuboshwa kukaZenokuhle Mbatha, 25, ekuthiwa uyathinteka esehlakalweni sokubulawa kukaMeyiwa.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).