I-EFF ikhala ngokuphazanyiswa eThekwini

Durban – Iqembu le-Economic Freedom Fighters likholelwa ukuthi kunokugxambukela kwezepolitiki okukhona ngemuva kokuba lithe uMasipala weTheku uhoxise irali yabo yeFreedom Day ebihlelelwe ukuba ibanjelwe eJohn Dube Stadium eThekwini.

Kodwa okhulumela umasipala uTozi Mthethwa uthe le nkundla bayiqashisela ukuba isetsheniswe yi-EFF.

"Inkundla ikhona futhi yaqashiselwa i-EFF," usho kanje kwabeNews24.

Funda nalolu daba: Kubulawe unogada kwesokuphanga

I-EFF ithe yatshelwa ngoLwesihlanu yidolobha ukuthi ngeke ikwazi ukusebenzisa le nkundla ngenxa yokuthi iyalungiswa, kusho uMbuyiseni Ndlozi.

UNdlozi uthe iqembu lakhe bese lenze izingqwembe zokukhangisa lo mcimbi ezingu-2 000 kanye namapheshana angu-30 000 abesekhokhelwe kanjalo namabhasi abezothutha abantu.

"Kuyacaca ukuthi kunokugxambukela kwezepolitiki okuhloswe ngakho ukukhubaza ukukhula kwe-EFF KwaZulu-Natal," usho kanje.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).