Eligawulwe yizembe lihlukane nabadlali bodumo

Johannesburg – Iqembu eligawulwe yizembe ngesizini edlule iMoroka Swallows lihlukane nabadlali abangu-12 njengoba lilungiselela ukudlala esigabeni sensational First Division.

Izinyoni zaseDube zihlukane nabadlali okubalwa kubo ukaputeni waleli qembu uLefa Tsutsulupa, Ashraf Hendricks, Rudi Isaacs, Shere Lekgothaone, Lucky Baloyi (obuyele kwiKaizer Chiefs), Larry Cohen, Sipho Mngomezulu, Felix Obada, Lantshene Phalane, Vuyisile Wana, Luyolo Nomandela no-Obren Cuckovic.

Ngakolunye uhlangothi umgadli uSiyabonga Nomvethe noDikgang Mabalane basayine izinkontileka ezintsha naleli qembu kanti kusalindeleke ukuthi kuphume isinqumo ngekusasa likanozinti uGreg Etafia.   

OLUNYE UDABA:AbeBucs bahlenge impilo yowesifazane eTunisia

“Asikasithathi isinqumo ngo-Etafia ngoba omunye wonozinti bethu uSage Stephens usazilolonga naMaZulu kodwa kungenzeka abuye.

ULefa usewabeke ethala amakhokho,” kusho isikhulu seSwallows uLeon Prins etshela iSiya Crew. 

Leli qembu kubikwa ukuthi lisayine abadlali abangenawo amava kangako kwoPSL ukuzama ukuqinisa leli qembu esigabeni se-NFD.

Phakathi kwabadlali abasayinwe yileli qembu kubalwa uTshepo Moloto, Mxolisi Michael Kunene, Khanyisani Sithole noBoysen Mbatha.

      - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter