I-ANC ikwaze ukuvota yachitha isiphakamiso somholi we-DA ePhalamende, uMmusi Maimane, othe kumele uMvikeli woMPhakathi aphinde achaze kabusha ngesiphakamiso sokuthi kube nemali ekhokhwa uZuma.
"UMengameli uZuma angeke akwazi ukubalekela umonakalo awenzile," kusho uMaimane.
Amaqembu ahlanganisa i-Economic Freedom Fighters, Inkatha Freedom Party, Congress of the People kanjalo neFreedom Front Plus, eseke isiphakamiso se-DA.
Funda nalolu daba: Nkandla - Okunye okuhlale obala ngombiko
Ilungu lePhalamende eqenjini i-FF Plus, uCorne Mulder, uthe kuyajabhisa ukuthi i-ANC inqabe ukuthi kubizwe ofakazi odabeni lokulungiswa komuzi waseNkandla, yanqaba nokuthi kubizwe umengameli.
Amaqembu athi okwenzekayo kungukubukela phansi uMthethosisekelo.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.