UMthembu ubesebenzisa umshini wase-Absa eMandela Street, eWitbank ngeSonto, ngesikhathi amadoda abehlomile emhlasela, kusho uBrigadier Selvy Mohlala.
"Umsolwa uqhamuke ngemuva kukaMthembu wamkhomba ngesibhamu wamyalela ukuba akhiphe imali emshinini.
"UMthembu ube esephenduka kanti uzodubuleka esihlathini.”
OLUNYE UDABA: Kudutshulwe amabhungu amabili eKapa
UMohlala uthi umsolwa nabehamba nabo abathathu babe sebeya emotweni kaMthembu bathatha imali namaselula abangani bakaMthembu.
"UMthembu ube esephuthunyiswa esibhedlela, nalapho esesimweni esibucayi kepha esethembisayo khona,” kusho uMohlala.
Ilungu lomndeni litshele iphephandaba iThe Citizen lathi: “Asazi kahle ukuthi kwenzekeni, kepha uJackson yena udutshuliwe. Sikhathazekile futhi sisashaqekile.
"Akucaci ukuthi udutshulwe amahlandla amangakhi, ngikhuluma nawe nje usesibhedlela.”
- “Like” ikhasi lethu kuFacebook ukuze uthole izindaba ngolimi lwakho