I-ANC izokwamukela amalungu alaxaze i-EFF

Mbombela – Kulindeleke ukuthi amukelwe ngezandla ezivulekile kwi-African National Congress amalungu asanda kulaxaza i-Economic Freedom Fighters. 

NgoMgqibelo kuhlelwe umcimbi wokwamukela inqwaba yamalungu asanda kushiya leli qembu eliholwa uJulius Malema.

Umcimbi wokwamukela la malungu uzoba senkundleni yebhola lombhoxo iNelspruit Rugby Stadium  kanti kulindeleke ukuthi uhanjelwe uNdunankulu waseMpumalanga uDavid Mabuza. U-Ayanda Tshabalala obeyilungu le-EFF esiShayamethetho saseMpumalanga ukuqinisekisile ukuthi ujoyina elikaKhongolose.

OLUNYE UDABA: Amabandla adumele ngokuziphatha kukaZuma ePhalamende

“Kuyiqiniso ukuthi ngijoyina i-ANC.

Lokhu kucacisa ngokusobala ukuthi i-EFF akuyona inhlangano kanti nabantu abayiholayo abahlosile ukwakha iqembu labantu,” uTshabalala etshela iNews24. 

NgoMsombuluko uTshabalala, uVeli Manzini, Sammy Nkosi, Celi Nkambule, Caleb Sebatane, Prudence Mbalathi noMpumelelo Masina bamemezela ukuthi bayayishiya i-EFF ngoba isigudlukile kwinqubomgomo eyakhelwe ngaphezu kwayo.

UTshabalala uthe i-EFF ifana nenkampani ezimele yabantu ababili “Iyi-PTY LTD kaMalema noFloyd,” esho enanela ngokuthi basebenzisa leli qembu ukufeza izinhloso zabo.

      - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter