Cape Town - IDemocratic Alliance ikwazile ukugcina amawadi ayo amathathu eWestern Cape okhethweni lokuchibiyela, kusho i-Electoral Commission of SA ngoLwesine.
Iwadi yaseGansbaai neyaseGrabouw athathwe yi-DA, kwathi neyaseSandbaai yagcinwa yilona leli qembu kulandela ukungabangiswa kuyona okhethweni lwangoLwesithathu, kusho owe-IEC uCarol Austin.
Iqembu le-ANC lona ligcine iwadi yaseZwelihle, neyaseHermanus, ngemuva kokubangisana ne-Economic Freedom Fighters okokuqala kule ndawo.
Ilungu le-EFF ebelingenele ukhetho lokuchibiyela eZwelihle, uSamuel Nywebeni, uthole amaphesenti angu-11.9 nje kuphela amavoti.
Funda nalolu daba: UMbethe uyinyathele emsileni kuShivambu.
Iwadi ithathwe uSicelo Gxamesi we-ANC ngamaphesenti angu-88.1 amavoti.
ULydia Matomele we-Da uthathe uwadi 11 (eGrabouw) ngamaphesenti angu-55 amavoti.
UWadi 2 (eGeansbaai) uthathwe uRiana de Coning weDA ngamaphesenti angu-74.95 amavoti.
Uwadi 7, eSandbaai, uthathwe uDavid Botha weDA ngemuva kokungabangiswa muntu.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.