"Uma evuma ukushiya isikhundla sakhe, i-DA izomnika indondo anconywe ngokuthanda umsebenzi wakhe," kusho umkhulumeli weqembu uDianne Kohler Barnard.
Umkhulumeli wamaphoyisa uLieutenant Colonel Solomon Makgale uthe udaba lokwehla esikhundleni kukaPhiyega , wudaba lo Mnyango.
Funda nalolu daba: Angeke abukele amaphoyisa uma ehlaselwa - Phiyega
UKohler Barnad usanda kukhuluma sakubhuqa encoma izimendlela ezabonakala zifakwe uPhiyega ngosuku iNational Police Remembrance Day.
"I-DA ithanda ukuhalalisela uKhomishana uPhiyega ngezimendlela azithole eminyakeni emibili kuphela engukhomishana wamaphoyisa," kubhuqa owe-DA.
Akubanga yilokho kuphela ukubhuqa kukaKohler Barnard, njengoba ekhulume ngendondo eyanikwa uPhiyega iGold Medal for Outstanding Service kanjalo neSoccer World Cup 2010 Support Award.
"Indondo efanele uPhiyega kumele kube yi'mampara' yiyona emfanele kusukela angena ehhovisi."
– "Like" ikhasi lethu ku-Facebook uze ukwazi ukujoyina inkulumo ngolimi lwakho.