I-DA ngeke iqambele uMasina amanga - EFF

Johannesburg – Iqembu le-Economic Freedom Fighters lifuna iPhini likaNgqongqoshe wezoHwebo neziMboni uMzwandile Masina ahoxise amazwi akhe okuthiwa uwasho ePhalamende ngesikhathi kudingidwa ngesabelomali sehhovisi likaMengameli.

UMasina kuthiwa ubonakale ethi “I will f*ck you up” elungwini leDA ePhalamende ngoLwesibili, kubika iNetwerk24.

UThoko Didiza obekunguyena obengamele uhlelo uthe uzolubhekisisa lolu daba.

Funda nalolu daba: Ugwetshiwe owasenkulisa owenzisa izingane ucansi

UMasina ukuphikile ukuthi usabise ilungu leDA.

"I-EFF ikholelwa ukuthi uMzwandile Masina kumele awahoxise amazwi akhe awasho ePhalamende futhi axolise njengawo wonke amalungu okudingeke ukuba enze okufanayo ngokwedlule, ngokusebenzisa amagama angavumelekile ePhalamende,” kusho okhulumela iqembu uMbuyiseni Ndlozi ngoLwesithathu. 

"I-EFF inesiqiniseko sokuthi iqembu eliphikisayo ngeke liqambele uMzwandile Masina amanga ngoba wake wadelela unobhala jikelele weCosatu uZwelinzima Vavi esiteshini sikamabonakude sezindaba.”

Uthe i-EFF izobhalela incwadi uSomlomo wePhalamende, uBaleka Mbete, imcele ukuba abhekane nalolu daba ngoLwesithathu.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).