Pretoria - Akukapheli namasosnto amabili iqembu le-EFF lixoshe abathathu kwabane abebengamalungu ePhalamende, njengoba manje seliqoke amalungu amasha kulandela ukuphumelela kweqembu eNkantolo eNkulu yaseNorth Gauteng ePitoli ngoLwesibili.
Iqembu le-EFF liqoke uMmabatho Mokause noMarshall Dlamini ukuba bangene ezihlalweni zikaKhanyisile Litchfield-Tshabalala, Andile Mngxitama noMpho Ramakatsa, abamiswa yiqembu ngemuva kokuqalisa umkhankaso obizwa nge-“save the soul of the EFF”.
Funda nalolu daba: Ayikho imisebenzi ethathwa abokufika - Malema
Ngokusho kweqembu, uMokause phambilini wayengumxhumanisi we-EFF eNorthern Cape kanti manje ubeyilungu lesisayamthetho.
UDlamini wayesebenza ngaphansi kwekomidi elikhulu, umsebenzi wakhe kungukuqoqa izimali futhi esebenzela KwaZulu-Natal.
Iqembu lithe esinye isisikhala sesithathu sizovalwa ngenyanga ezayo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.