Durban – Ilungu lesigungu esiphezulu se-ANC uJackson Mthetmbu ukhulume ePhalamende wathi i-EFF yakhiwe esisekelweni senzondo enayo ngoMengameli Jacob Zuma ne-ANC.
“I-EFF yakhiwe phezu kwesisekelo senzondo. Siyi-ANC asisabi lutho sizoqhubeka nokwenza umsebenzi oncomekayo,” esho.
Ubekhuluma ePhalamende kulandela ukuthi i-DA iphakamise ukuthi umengameli Zuma kumele yini aqhubeke nokuqhoqhobala isikhundla sakhe.
OLUNYE UDABA: Iyaqhubeka impi yamazwi phakathi kwe-EFF neSACP
Ukukhuluma kukaMthembu kususe omkhulu umsindo ebhentshini le-EFF.
Leli qembu liphinde lacela nokuthi kuhlonishwe ilungu lalo uPhillip Mhlongo njengawo wonke amanye amalungu esiShayamthetho, angahlekwa uma ekhuluma izinto ezibalulekile.
Owe-APC uThemba Godi uthe abaseseki isiphakamiso se-DA.