I-IFP ithi ifuna izimpendulo

Durban - I-IFP ifuna uMnyango wezeMpilo KwaZulu-Natal uchaze kabanzi ukuthi kwenzeka kanjani ukuthi uqashe isibhedlela esingumahambanendlwana ngemali engu-R52 million.

"UNgqongqoshe uSibongiseni Dhlomo nenhloko yoMnyango uSibongile Zungu kumele bachaze,” kusho okhulumela ezempilo kwiNkatha Freedom Party, uNcamisile Nkwanyana.

Ubekhuluma mayelana nophenyo oluqhubekayo oluveza ukuthi uMnyango uzosebenzisa imali ebalelwa ku-R61m ukuthola amakharaveni amabili azosetshenziswa njengesibhedlela ngemali engu-R52.5m iminyaka emithathu.

OLUNYE UDABA: I-IFP ifuna kuvulwe kabusha amakolishi othisha

I-IFP ifuna uMnyango ucacise ukuthi yimiphi imigudu eyalandelwa kuze kufikwe esinqumeni sokuthi kunikezwe iMzansi Lifecare ithenda.

"Kunobufakazi obukhombisa ukuthi uMnyango wawungayithenga le kharaveni eMelika ngo-R12.5m esikhundleni sokuyiqasha kuMzansi Lifecare ngo-R52.5m," kusho uNkwanyana.

UNkwanyana uthe uZungu kumele akhonjwe indlela.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter