Durban - ISouth African National Defence Force izokweseka iphinde isize mayelana nophenyo ngesigameko sokubulawa kwesosha elijikijelwe ngeziqhumane lashona, kusho uBrigadier-General Xolani Mabanga, ngoLwesibili.
ULesego Mohoasa, 33, obesebenzela enkanjini yamasosha eseBluff, ushone ngemuva kokuhlaselwa ngamabhomu emzini wakhe okuKarridale Drive, eManzimtoti.
Umsolwa, 44, naye owayeyiphoyisa embuthweni wezempi, owayekhona nakuMkhonto Wesizwe ngeminyaka yawo-1980, ugcwele amathafa, kubika iDaily News.
“Wonke amasosha e-SANDF awavumelekile ukuthi aphathe izikhali uma engekho emsebenzini. Kunemithetho enqala ebhekene nalokhu.
OLUNYE UDABA: Kufunwa osolwa ngokubulala umkakhe ngeziqhumane e-KZN
“Ngeke sikwazi ukukhuluma sigeqe amagula okwamanje ngalesi sigameko lungakenziwa uphenyo olunzulu.
“Sikhalisana kakhulu nomndeni kamufi,” kusho uMabanga.
Kusolakala ukuthi uMohoasa ube nengxabano nomsolwa ngemuva kokuthi bebuye emngcwabeni.
Okhulumela amaphoyisa uMajor Thulani Zwane uthe bekungakaboshwa muntu ngalesi sigameko.