Cape
Town – Ihhovisi likaMengameli Jacob Zuma seliveze ukuthi ukuba nesibalo
esiphezulu sekhabhinethi kwenza umsebenzi uhambe kahle ukudlulisela ngezidingo
kubantu baseNingizimu Afrika.
I-News24 ibheka kabanzi ukuthi amanje amazwe
akwazi kanjani ukudlulisa izidingo kubantu ngamakhabhinethi anesibalo esincane
kunesakuleli.
Izindaba ezisanda kuphuma
wukuthi ikhabhinethi kaZuma yoNgqongqoshe namaSekela abo abangu-74, idla imali
yabakhokhi bentela imali elinganiselwa ku-R1.6billion njengoba iningi labantu
bakuleli bezoba noKhisimusi omnyama.
Isibalo
sabantu abalahlekelwa yimisebenzi siyaqhubeka nokwenyuka, iziteleka ziyanda
kanti inqwaba yalabo abasebenzayo bacwile ezikweletini.
Kubikwa ukuthi oNgqongqoshe bahola imali
engu-R2.1m ngonyaka bese kuthi amalungu ePhalamende wona agoduke noR933 000
nganyaka.
OLUNYE UDABA: UZuma akalibalekeli iPhalamende - Maharaj
Nakuba kunjalo kodwa ihhovisi likaMengameli lisaqhubeka nokusho
ukuthi isibalo soNgqongqoshe sikahle kakhulu futhi “siyadingakala ukulethela
abantu baseNingizimu Afrika izidinga-ngqangi”.
Kubikwa ukuthi amalungu
ePhalamende akuleli ahola ngaphezulu kunamanye amalungu akwamanje amazwe okubalwa
kuwo iFrance R919 000, Switzerland R882 000 neSpain R466 000 ngonyaka.
Kubikwa ukuthi imiholo yabalungu ePhalamende
akuleli noNgqongqoshe isezingeni elifanayo namazwe athuthukile.
IJapan iyona
ehamba phambili ngokuholela osopolitiki izizumbulu zetshe lemali emhlabeni
jikele njengoba ilandela yi-Australia, Italy ne-America.
- “Like” ikhasi lethu kuFacebook ukuze uthole izindaba ngolimi lwakho