Nelspruit – Babhekene namacala okudlwengula nokushushumbiswa
kwabantu abalisa ababili baseMpumalanga abebevele eNkantolo yeMantshi yaseGraskop.
Kubikwa ukuthi Lloyd Mabuza oneminyaka engu-60 ubudala nasolwa naye
uViolet Chauke oneminyaka engu-22 ubudala
bavele enkantolo ngoLwesithathu ngokubika kweBeeld ngoLwesine.
Kuthiwa
phakathi kweminyaka u-2009 no-2012 bebeheha izingane zamantombazane
zaseMozambique bazilethe eNingizimu Afrika ngokuzithembisa imfundo nempilo
engcono.
OLUNYE UDABA: Bavelile abasolwa ngokudla inyama yenja
Umbiko uveza ukuthi la mantombaze abaneminyaka ephakathi kuka-10
no-16.
Kubikwa ukuthi laba baboshwe ngoDisemba 2012 ngemuva
kokutholakala kwezingane zamantombazane ezinhlanu zinqunu futhi zilambile.
Kusolakala ukuthi ukuthi lezi zingane ubeseziphendule izigqila zocansi emzini
wakhe oseRhenosterhoek.
Kulindeleke ukuba inkantolo iqoqe bonke ubufakazi
ngaphambi kokuthi ikhiphe isinqumo ngaleli cala.
- “Like” ikhasi lethu kuFacebook ukuze uthole izindaba ngolimi lwakho