Johannesburg - Amaphoyisa aseNorthern Cape athi kuboshwe ikhehla nowesifazane baseKimberley ngemuva kokutholakala nezidakamizwa zohlobo lwe-mandrax, ezingadayisa u-R1.2m ngentengo yasemgwaqeni.
Okhulumela amaphoyisa uDonald Mdhluli uthe laba baboshwe besesitimeleni ebesisanda kutheleka eGoli sisuka eKapa.
"Laba batholakale nala maphilisi abehlohlwe ezikhwameni ezimbili kanti akwaziwa ukuthi bebelibangise kuphi."
Owesilisa uneminyaka engu-72 ubudala kanti owesifazane unengu-49 ubudala.
"Kuthe kusabhekwe laba, kwatholakala enye indoda, 42, iphethe izidakamizwa zohlobo lwe-cocaine nayo zayikhalela," kusho uMdhluli.
Bobathathu babekwe amacala okutholakala nezidakamizwa.
Bazovela eNkantolo yeMantshi yaseKimberley ngoMsombuluko.
- “Like” ikhasi lethu kuFacebook ukuze uthole izindaba ngolimi lwakho