25 Jul 2014

Ikhomishana kaSeriti ayiphumeli obala ngabasulile

Pretoria - Ikhomishana kaSeriti ephenya ngenkontileka yokukuthengwa kwezikhali ngo-1999 ayizange iyiqinisekise imibiko yangoLwesihlanu ethi kwesule ababili abebehola ubufakazi.

"Njengamanje ikhomishana ngeke ikwazi ukuphika noma ukuvuma ukuthi bakhona yini abesulelile njengoba lolu daba lusabhekisiswa ngaphakathi,” kusho okhulumela ikhomishana uWilliam Baloyi.

Uthe ikhomishana iyizwile imibiko.

I-The Times ibike ukuthi ummeli uBarry Skinner noCarol Sibiya babhalele iJaji uWillie Seriti incwadi yokwesula kwabo.

Encwadini yabo engamakhasi angu-15, bathe inhloko yekhomishana, ummeli uFanyana Mdumbe, ayibaphethe kahle.

UMengameli uJacob Zuma wamemezela ukusungulwa kwekhomishana, eyenganyelwe uSeriti ngo-Okthoba 2011.

Ikhomishana kuhloswe ngayo ukuphenya ngezinsolo zokukhwabanisa okuthiwa kwenzeka ngesikhathi kuthengwa izikhali.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()