Ikuphindile lokho i-EFF

Cape Town - Amalungu e-Economic Freedom Fighters ale ukhasha ukuphuma ngesikhathi exoshwa ePhalamende, ngemuva kokusolwa nguMkhulumeli walo uBaleka Mbete, ethi ayaphazamisa.

I-EFF iphazamise ukuqhubeka kwePhalamende ngesikhathi uMengameli wezwe uJacob Zuma ephendula imibuzo njengoba ehambise umbiko ngokulunhgiswa komuzi wakhe oseNkandla.

UMbete utshele umholi we-EFF uJulius Malema nethimba lakhe ukuthi abaphume ePhalamende, ethi bayaphazamisa.

UMalema kuthiwa ubengenelisekile ngempendulo kaZuma embuzweni othi uzoyikhokha nini imali ekumele ayikhokhe ngomsebenzi wokulungiswa komuzi wakhe.

Umuzi walungiswa ngesamba esingu-R246 million

"Ngizonikhiphela ngaphandle uma ningalaleli," kusho uMbete, etshela amalungu e-EFF.

Amalungu aphendule ngokuthi:  "Yiskhathi sokuthi kukhokhwe imali".

Usotshwebhu we-EFF uFloyd Shivambu umemeze wathi: "Angeke usixoshe".

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).