Publications
Partners
Johannesburg - Iloli liphaphalaze laphuma emzileni layoshayisa umuzi oseceleni komgwaqo u-N12 ngasemgwaqeni ongenela eKliprivier, eningizimu yeGoli ngoLwesithathu, kusho amaphoyisa kamasipala.
Elinye lamasondo alo libukeka sengathi liqhumile, kusho uChief Superintendent Wayne Minnaar.
"Iloli lishayise uthango lomuzi ladlula layoshayisa nengxenye yomuzi,” usho kanje.
Umshayeli weloli kanye nabagibeli ababili abebephakathi bathole
ukulimala okungatheni.
Funda nalolu daba: Impicabadala kwelokuwa kwesakhiwo sasoThongathi.
Kodwa akulimalanga muntu kulo muzi oshayisekile.
Kuphazamisekile kancane ukuhamba kwezimoto njengoba isigadla seloli besivale umzila ongasohlangothini lwesinxele.
Sekuqaliswe uphenyo ngecala lokushayela budedengu.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
