INkantolo amaCala ezoCansi eMankweng iluleke lona wesifazane oneminyaka engu-21 ubudala waseLimpopo ngoLwesibili ukuba avale inzalo ukuze azogwema ukuzala kakhulu.
Uvele enkantolo ngecala lokuba nobudedengu enganeni yakhe.
Ngo-2012, wayekelela ingane yakhe enonyaka owodwa ubudala ukuba ikhase ize iyongena emgwaqeni wetiyela ngesikhathi yena exabana nesoka lakhe.
Lokhu kwaholela ekutheni ugogo wowesifazane amvulele icala.
NgoLwesibili, uMontjane utshele inkantolo ukuthi unezingane ezimbili, kodwa endala yashona.
Ingane ayiyekelela emgwaqeni ihlala nogogo wakhe manje.
Inkantolo iwahoxisile amacala abethweswe uMontjane ngoLwesibili ngoba ugogo wakhe unqume ukuwahoxisa.
Ngaphambi kokuba ahoxise amacala, iMantshi uPatrick Cloete ube eseyala uMontjane wathi: "Ngikululeka ngokuthi ubonane nodokotela uvale inzalo.”
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter