Indida ngemoto ethengelwe uMalema ngephutha

Johannesburg - Amalungu e-Economic Freedom Fighters athi imoto yohlobo lweGolf GTI yathengelwa uJulius Malema ngephutha kusetsheniswa imali yeqembu, kubika iCity Press ngeSonto.

Imoto kuthiwa yathengwa ngasekupheleni konyaka odlule ngemali yeqembu le-EFF, kodwa ayiveli emabhukwini eqembu.

Kuthiwa imoto yathengwa ngoSepthamba 8 egarajil ezimoto elisePolokwane ngemali ye-EFF.

Kunokuba ibhaliswe njengeyeqembu, yabhalwa ngenkampani ezimele, iVoorsprong Trading and Projects, umqondisi wayo okunguJimmy Matlebyane, umfundi oneminyaka engu-22 ubudala waseSeshego.

Funda nalolu daba: I-EFF ihamba phambili ekudaleni isiphithiphithi.

Phambilini umqondisi wale nkampani kwakunguTebatso Malema, okukholakala ukuthi ungumzala kaMalema.

Ngesikhathi uMatlebyane efonelwa ukuqinisekisile ukuthi ungumqondisi wenkampani futhi imoto yeGolf ingeyakhe.

Kodwa uvele waluvala ucingo ngesikhathi ebuzwa ukuthi ngabe ithengwe ngemali ye-EFF yini.

UTebatso Malema uyakuphika ukuthi unobudlelwano noJulius Malema.

Okhulumela i-EFF uFana Mokoena uthe le moto ithengelwe ukuthutha izikhulu ze-EFF, wathi izobhaliswa ngaphansi kweqembu.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).