Indle nomhlanzo emahhovisi ephephandaba laseKZN

Richards Bay – Izisebenzi zephephandaba laKwaZulu Natal iZululand Observer zihlangatshezwe yisimo esinganambitheki ngesikhathi zitheleka emsebenzini emahhovisi aseRichards Bay enyakatho yesifundazwe. 

Ngokubika kwaleli phephandaba izisebenzi zalo zibingelelwe yindle, umchamo, igazi nomhlandlo ngezikhathi zifika ukuzosebenza ngoLwesibili ekuseni.

“Isisebenzi sasehhovisi uGeraldine Narian nozakwabo uAnnalize Berry okhulelwe bazamile ukuvula umnyango wehhovisi ukuze bahlanze lokhu kungcola okugcwele phambi komnyango.

Kodwa bagcine behluleka ngenxa yobunuku nokunyanyisa obesekungaphezulu kwamandla abo,” kubika leli phephandaba.

OLUNYE UDABA: Ubenezingane ezingu-12 obulawe wePinetown

ULouise Calitz naye oyisisebenzi kuleli phephandaba naye uzamile ukuhlanza le ndawo kodwa wagcina ngokuhluleka ngokuhamba kwesikhathi.

Owesifazane ozivumele ukungcolisa la mahhovisi ukhuze ibuya eseqhuba i-trolley wafike wahleka abebehlanza ukungcola kwakhe.

Kuphoqeleke ukuthi leli phephandaba libize inkampani ehlanza amahhovisi esemthethweni ukuze ihlanze le ndawo ebisinuka ngendlela eyisimanga.

Asicacanga isizathu salona wesifazane ukungcolisa la mahhovisi kodwa kubikwa ukuthi akekho obesafuna ukuhlanganisa naye ngemuva kwalesi sigameko.

- “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter