UThuthukile Zuma, 25, usuke esigabeni esisemazingeni aphansi engumxhumanisi woMnyango nomphakathi.
Uneziqu zeBachelor of Arts Degree neHonours Degree in Anthropology.
Kuthiwa kumthathe izinyanga ezimbili vo ukuthi akhushulelwe kulesi sikhundla asibambile njengamanje.
Imibiko ithi uhola imali ecishe ifike ku-R1m ngonyaka, nokusho ukuthi umuntu okulesi sikhundla kumele abe nesipiliyoni okungenani seminyaka embalwa.
Ukunyuselwa kukaThuthukile kulesi sikhundla kuze ngemuva kokuthi uZuma egcotshwe njengomengameli.
Iphephandaba iMail&Guardian ibika ukuthi lesi sikhundla asizange sikhangiswe, yize ongqongqoshe benegunya lokuqoka abantu ngasese uma bewulungele umsebenzi.
UThuthukile ungowokugcina emadodakazini amane kaZuma noNkosazana Dlamini-Zuma.
IHhovisi likaMengameli linqabile ukuphawula.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter