Indodana, 5, ibuza ngomama wayo othunjiwe

Johannesburg – Indodana eneminyaka emihlanu ubudala yenesi elithunjwe lisendleleni yalo eya emsebenzini ibilokhu ibuzile ngomama wayo ukuba ushonile yini.

Lo mfana wagcina ukubona umama wakhe eya emsebenzini ngomhlaka-2 Septhemba.

Laba okusolakala ukuthi bamthumbile bafuna isamba semali esingu-R50 000 kanti sebenqumele umndeni ugwayi katiki wezinyanga ezimbili ukuba ukhokhe le mali.

Kepha-ke njengoba umndeni wakhe uNonzwakazi Luthuli uzama ukuqonda ngale nkinga futhi uzama nokuhlanganisa imali efunwayo, indodana yakhe edidekile ifuna ukwazi ukuthi kwenzakalena ngomama wayo.

OLUNYE UDABA: Amaphoyisa athungatha owesifazane othunjiwe 

"Uphi umama wami? Ngabe ushonile?" Lo mfanyana ebuza umndeni.

Ekhuluma neThe Star ngoLwesibili ekuseni udadewabo kaLuthuli uNopasika Ngqetho uthe umfanyana usehanjiswe KwaZulu-Natal ukuze aqhelelane nayo yonke le nkinga.

ULuthuli wayesendleleni eya emsebenzini esibhedlela iChris Hani Baragwanath Academic ngesikhathi ethunjwa eProtea Glen, eSoweto.

UMashiteng uthe amaphoyisa aphenya yonke imikhondo evelayo kanti bayanxusa ukuba abantu basize makukhona abakwaziyo.

"Okwamanje akukabikhona lutho olusha kodwa uphenyo luyaqhubeka."

 - “Like” ikhasi lethu kuFacebook ukuze uthole izindaba ngolimi lwakho                    

 - Landela IzindabaNews24 kuTwitter