Indodana kaZuma ifuna uMalema axolise

Durban – Umholi we-Economic Freedom Fighters  uJulius Malema ngoLwesibili uchithe indodana kaMengameli Jacob Zuma u-Edward ngokuthi ngeke axolise ngenkulumo yakhe ePhalamende futhi “akakhulumi nezingane yena”.

U-Edward unxuse ukuthi uMalema axolise ngenkulumo ayenza ePhalamende lapho athi umengameli uyisahluleki njengoba ehluleka ukuhola umndeni wakhe futhi indodana yakhe iyona ekhuthaza ukubulawa kwabokufika.

U-Edward utshele iNews24 ukuthi uma uMalema engaxolisi uzomyisa enkantolo ngokungcolisa igama lakhe.

OLUNYE UDABA: Ukuziqhayisa nobulima okwenziwe amavolontiya - Malema

Uthe lo mholi we-EFF kumele ayihoxise inkulumo yakhe ayenza ePhalamende.

“Ngifuna angitshele futhi atshele nezwe ukuthi yikuphi lapho engatshela khona abantu ukuthi ababulale.

Ngifuna futhi asho ukuthi ubaba wami uhluleke kanjani ukusilawula kunalokho ngizomfaka enkantolo,” kusho u-Edward.

UMalema uthe akanaso isikhathi futhi akanandaba no-Edward Zuma.

“Anginaso isikhathi sezingane.

Akangithinte uma efuna ukukhuluma ngobaba wakhe, anginaso isikhathi sakhe,” kusho uMalema ngaphambi kokuthi avale ucingo.

       - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter