Johannesburg - Ubaba wezingane ezimbili ezigwazwe yizigilamkhuba eDobsonville, eSoweto, uthi kumthukuthelisile ukuchithwa kwamacala abebekwe umsolwa.
Ubaba wezingane uLehlogonolo Majara, utheleke eNkantolo kaMantshi waseProtea, la bekulindeleke khona kuvele umsolwa.
"Ngithukuthele njengoba kuhlehliswe amacala. Ugogo uthe umsolwa akusiye ohlaselile," kusho uMajara.
Funda nalolu daba: Kuthungathwa izigebengu ezigwaze izingane eGoli
Abafanyana bakaMajara abaseminyakeni yobudala ephakathi kwemibili nemithathu, nomama wabo oneminyaka egnu-20 ubudala, bahlaselwe besekhaya kubo ngoLwesibili.
Ngokusho kwabeNational Prosecuting Authority (NPA), amacala achithiwe kulandela ukungabi khona kobufakazi obanele.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.