Durban – Intombazane, 14, eyayishaywe kabi ubaba wayo kusolakala ukuthi yadlwengulwa yiphoyisa ngesikhathi iyovulela ubaba wayo icala, kusho amaphoyisa aKwaZulu-Natal.
Le ngane kuthiwa yashaywa ubaba wayo ngoLwesithathu ngemuva kokutholakala neselula engaziwa ukuthi iyithathephi, okwabonakala kuyo imiyalezo “engcolile” ephuma esokeni.
OLUNYE UDABA: Iphoyisa kwelokudlwengula owayengunkosikazi
Le ngane yakwazi ukubalekela ubaba wayo owayethukuthele ethelwa ngamanzi, yaya emaphoyiseni eMsinga, ithi iyomvulela icala, kubika i-Independent on Saturday.
Esikhundleni sokuthi ithole usizo, kusolakala ukuthi yadlwengulwa kabili yileli phoyisa.
Okhulumela amaphoyisa uMajor Thulani Zwane ukuqinisekisile ukuthi le ngane isola iphoyisa ngokuyidlwengula ngomhlaka-20 Meyi.