01 Nov 2014

Iqale ngo-6 ekuseni inkonzo yomngcwabo kaMulaudzi

Muduluni - Izinkumbi zabantu ziphume ngobuningi ukuzovalelisa umsubathi wakuleli uMbulaeni Mulaudzi oshone engozini yemoto ngoLwesihlanu olwedlule.

Ngokubikwa kwe-eNCA inkono yomngcwabo yalo msubathi kubikwa ukuthi iqale ngehora lesithupha ekuseni endaweni yaseMduluni Village eLimpopo kanti ihanjelwe yizikhulu zezemidlalo nezikahulumeni kazwelonke nesifundazwe.

UMulaudzi ubalwa nabanye abasubathi bakuleli abahamba phambili kwazise uhlabane nezindondo ezahlukene kwezokusubatha.

Uchazwe njengomuntu obezithobile futhi ebakhonzile abantu kanti umngcwabo wakhe uhlelwe ngokwezinga likahulumeni wesifundazwe.

OLUNYE UDABA:Silahlekelwe kakhulu ngoMeyiwa noMulaudzi - CSA

INingizimu Afrika isemanzini kuleli sonto kulandela ukulahlelwa ngamaqhawe ezemidlalo amathathu okubalwa yena uMulaudzi, uPhindile Mwelase obeyibhokisa lesifazane elaquleka ngemuva kwempi lahlala amasonto amabili esibhedlela ngaphambi kokuthi ashonele esibhedlela ngoMgqibelo noSenzo Meyiwa owadutshulwa eVosloorus ngesikhathi evakashele intombi yakhe ewumculi uKelly Khumalo.

Phakathi kwezikhulu ezethule inkulumo kwinkonzo yomngcwabo kaMulaudzi kubalwa uGideon Sam noNgqongqoshe ehhovisi likaMengameli uCollins Chabane nezinye zikahulumeni wesifundazwe.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()