Potchefstroom –Kubulewe indoda eneminyaka engu-27 ubudala esolwa ngokudlwengula eSetlagole eduzane naseMahikeng, kusho amaphoyisa esitatimendeni esikhishwe ngoLwesibili.
Le ndoda italajwe kanzima yaze yaphuma umphefumulo ngoMsombuluko ekuseni.
Owesifazane oneminyaka engu-24 ubudala wathi le ndoda yaya kuye ngeSonto mhlaka-11 Okthoba eThaveni iLetsapa.
OLUNYE UDABA: Kushiswe umuzi wosolwa ngokubulala eLimpopo
Ngemuva kokuxoxa laba bobabili baya garaji ndawonye le ndoda yase icela ukuba lo wesifazane ayikhaphe kuyiwa eMadibogo. Ngesikhathi enqaba ebaleka kusolwa ukuthi le ndoda yamjaha, kusho okhlumela amaphoyisa uCaptainPaul Ramaloko.
Le ndoda yabe isimdonsela ehlathini eliseduzane nesikole iMalebong Primary lapho amdlwengulela khona ngemuva kwalokho wabe esethatha ngenkani emyisa endlini yayo yomxhaso wafike wamdlwengula ephindelela.
Umsolwa uphuthunyiswe esibhedlela lapho afike ashonela khona.
Akukaboshwa muntu.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter