Johannesburg - Ingane enenyanga eyodwa izelwe, neyalunywa ngamagundane e-Alexandra, eGoli, yalahlekelwa yiminwe emithathu nengxenye yekhala, isalindele ukuhlinzwa ngenxa yokuthi umndeni wayo awunayo imali, kusho umbiko weThe New Age ngoLwesithathu.
Amagundane ahlasela u-Erena Yekanyi ekubo ngoMsombuluko edlule.
"Ngangiwasha emnyango u-Erena elele endlini. Ngamuzwa eqandula ngase ngiphuthuma kuyena ngamthola egcwele igazi," kusho umama wengane uThandaza.
Le ngane izoqhubeka nokulinda ukuhlinzwa eCharlotte Maxeke Academic Hospital kuze kube umama wayo uhlanganisa imali.
Kuthiwa akukona okokuqala umuntu ehlaselwa ngamagundane kuleli lokishi.
Okhulumela uMkhandlu waseGoli uNkosinathi Nkabinde utshele leli phephandabna ukuthi la magundane ahlasela imijondolo kakhulu ngenxa yendlela ekulahlwa ngayo udoti.
Wathi bayazama ukunqanda lesi simo.
- “Like” ikhasi lethu kuFacebook ukuze uthole izindaba ngolimi lwakho