01 Sep 2015

Isalukazi sishone engozini engaqondakali eThekwini

Durban - Kushone isalukazi engozini eyenzeke emgwaqweni onguthelawayeka Inkosi Albert LuthuliFreeway eThekwini ngoLwesibili, ngokusho kwabosizo lokuqala.

Lona wesifazane okubikwa ukuthi useminyakeni ekuma-70 ubudala ushayiwe yisondo eliqhamuke engalindele lutho elimshaye ehleli ngemuva etekisini.

Ngokusho okhulumela abakwaRescue Care uGarth Jamieson uthe abosizo lokuqala bathe lona wesifazane ushone bengakafiki endaweni yesigameko

"Eminyakeni engu-20 ngenza lo msebenzi angikaze ngiyibone into enje.

OLUNYE UDABA: Owesifazane ezinsolweni zokubulala isoka lakhe

Kube yingozi eyenzeke kungazelele muntu," esho.

UJamiesion uthe leli tekisini belilibangisa eThekwini ngesikhathi iveni ebelihamba ecele liphunyelwa isondo landiza layoshaya lesi salukazi ebesisetekisini.

"Leli sondo liphume kwiveni emgwaqweni ngaphambi kokuba lishayise eceleni komgwaqo," echaza enanela ngokuthi bekungasekho obekungenziwa ukuhlenga impilo yalona wesifazane.

Kule ngozi kuphinde kwalimala nabagibeli abathathi abalinyazwe izicucu zamagilasi ewindi ngemuva kokushayeka.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()