Isigebengu sishayiswe yiloli eThekwini

Durban -  Indoda ishayiswe yabulawa yiloli emgwaqeni u-N2 eThekwini ibaleka iqeda ukwenza ubugebengu ngesibhamu sethoyizi ngoLwesine.

Abashayeli babingelelwe yizicubu zomzimba emgwaqeni eduzane nebhulohwe iKing Cetshwayo (Jan Smuts) Highway.

Ngokombiko wamaphoyisa umshayeli waseChesterville ume eceleni komgwaqo ngemuva kokuthi imoto yakhe iphume intuthu.

Ngesikhathi ehlezi elinde ukuthi injini yemoto yakhe iphole, kuqhamuke amadoda amabili ehlathini angqongqoza efasiteleni lakhe.

Amphoqa ukuba avule umnyango noma azodubula.

Lo mshayeli uzamile ukuhlehla kodwa imoto yangavuma.

Izigebengu zibe sezivula ngenkani zithatha iselula nesikhwama semali.

Ngesikhathi obedlula ngendlela esiza umshayeli omunye walezi zigebengu wangena emgwaqeni ebaleka wabe eseshayiswa iloli, kubika iDaily News.

Amaphoyisa athole iselula yomshayeli kumufi nesibhamu sethoyizi. Esinye isigebengu sibalekele sayongena emahlathini.

Okhulumela amaphoyisa uCaptain Thulani Zwane ukuqinisekisile ukuthi lesi sigebengu sishonele endaweni yesigameko

Amaphoyisa aseSydenham ayaphenya ngalolu daba kanti kuvulwe icala lokweba nelokubulala

UZwane uthe akukaboshwa muntu. 

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter