UDladla, obephinde abe yilungu lesiShayamthetho kuzwelonke, ushonele esibhedlela esiseThekwini ngoLwesihlanu ebusuku.
Umholi weqembu uZanele kaMagwaza-Msibi, uthi ngokusho kodokotela uDladla ubenomdlavuza oholele ekutheni aphathwe yizinso.
Ngaphambi kokuthi uDladla ajoyine i-NFP, wayengomunye wabaholi abangaconsi phansi kuNkatha Freedom Party (IFP) kanti wake wabamba isikhundla seSekela likaSihlalo we-IFP kuzwelonke.
UMagwaza-Msibi ube esedlulisela amazwi enduduzo emndenini kamufi.
"UDladla ubengumholi onohlonze, obengesabi lutho futhi engasabi ukukhuluma lokho akholelwa kukho. Silahlekelwe kakhulu.”
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter