Publications
Partners
Durban – Isimanga abafundi babafana
basesikoleni samabanga aphansi iMandlakayise eNanda bezivumela ukuthenga umuthi
wentando kwinyanga ukuze bahehe amantombazane.
Ngokubika kwe-DailySun laba bafana baneminyaka
ephakathi kuka-8 no-12 ubudala.
“Sizwe izikhalazo eziningi kubafundi bamantombazane
bekhala ngokuthi abafana babathinta izinqa bese bebabiza ngezintombi zabo
ngoMsombuluko,” kusho uthisha.
“Sibabizile
sababuza abafana abathintekayo basitshela ukuthi bebefuna ukubona ukuthi umuthi
wentando uyasebenza.
Basikhombise amabhodlela amancane anomuthi obomvu abathe bawugcoba
emashiyeni abo.
OLUNYE UDABA: Usazobhadla ejele uthisha obenukubeza abafundi
Baphinde bathi batshelwe ukuthi lo muthi baphinde bawugcobe
kwinduku bese beshaya ngayo intombazane ngemuva kwalokho izobalandela,” echaza.
Kuthiwa laba bafana bathe lo muthi bawuthenga ngo-R5 ibhodlela kwinyanga
ezibiza ngoMzize.
Omunye wabafundi uthe lo muthi ubungasebenzi ngoba
amantombazane abengabalandeli.
Kubikwa
ukuthi inyanga esolwayo uKay Mzize ucasukile ngalokhu okushiwo ngabafundi ngaye
wakhala ngokuthi kungcolisa igama lakhe.
Okhulumela uMnyango wezeMfundo KwaZulu
Natal uMuzi Mahlambi uthe bazolubika emphoyiseni lolu daba.
- “Like” ikhasi lethu kuFacebook ukuze uthole izindaba ngolimi lwakho
