Johannesburg - Isitholakele ingane eyahlwithwa kunina inezinsuku ezintathu izelwe emtholampilo iPhillip Moyo eTwatwa, eKurhuleni ngenyanga ephelile.
Le ngane ibuyiselwe kumama wayo uPrecious Nkala ngosizo lwamaphoyisa aseBenoni.
Amaphoyisa ancinzwa indlebe ngamalungu omphakathi mayelana nomsolwa owathumba ingane.
OLUNYE UDABA:Ingane ebilahlekile itholiwe
Umsolwa oneminyaka engu-19 ubudala uboshiwe kanti ingane yabuyiselwa kunina.
Okhulumela amaphoyisa uConstable Zunicka Essakjee utshele abeDaily Sun ukuthi ngosizo lwabasebenzi basemtholampilo nezakhamuzi abaseshi bakwazile ukuthola umsolwa.
- “Like” ikhasi lethu kuFacebook ukuze uthole izindaba ngolimi lwakho