Cape Town – Abalisa abahlanu babaleke nemali kanye nezibhamu ngesikhathi bebamba inkunzi imoto yemali ngaphandle kwasePromenade Shopping Centre eMitchell's Plain ngoLwesine ekuseni.
Okhulumela amaphoyisa uConstable Noloyiso Rwexana uthe izigebengu zihlasele enxanxatheleni yezitolo ngezithuba zabo-11:00 ekuseni.
"Abasolwa babambe inkunzi onogada ebebezoletha imali ebhange,” usho kanje.
Funda nalolu daba: Umfundisi wodumo usekhulumisa abazalwane 'isiShayina'
Abasolwa babaleke nesamba semali ezingadalulwanga kanye nezibhamu zonogada.
URwexana akakwazanga ukuqinisekisa imibiko ethi kuqhume isibhamu ngesikhathi kubanjwa inkunzi
"Abasolwa babaleke ngemoto yohlobo lweToyota. Akubikwanga muntu limele,”usho kanje.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.