Izigebengu zintshontshe imali yempesheni KwaMashu

Durban – Izigilamkhuba zigasele endaweni yokuhola impesheni KwaMashu enyakatho yeThekwini zaqhumisa umshini wokuhola obugcwele imali maqede zabeleka nesamba semali esingadalulwanga.

Unogada ubesebenza esitolo sakwaBoxer eNewtown ukhonjwe engezibhamu ngamadoda amahlanu abehlimile amphoqa ukuba avule lapho bekukhiyelwe khona lo mshini.

Okhulumela amaphoyisa aKwaZulu Natal uMajor Thulani Zwane uthe lezi zigilamkhuba zimdonse ngendlebe lo nogada ukuthi angayicindezeli inkinobho yokubiza abanye onogada.

“Amkhombe ngesibhamu amphoqa ukuba avule isango futhi angayicindezeli inkinobho yokubiza abanye onogada. 

OLUNYE UDABA:Uyavela oweba i-ambulensi wabaleka ngayo e-KZN

Ngemuva kokuvulela izigebengu lapho kugcinwe umshini wemali uzwe ngomkhulu umsindo ngaphansi esitolo,” kusho uZwane.  

“Abasolwa babaleke nomakhalekhukhwini nesamba semali esingadalulwanga. Kuvulwe icala lokubamba inkunzi nelokulimaza impahla kanti bekungakaboshwa muntu,” esho.

Umthombo osondelene nophenyo udalule ukuthi lezi zigilamkhuba zibhaleke nezinkulungwane zemali obekulindeleke ukuthi isetshenziwe ukuholela abantu impesheni kuleli sonto.

Lo mthombo uqhube wathi abasolwa  basebenzisE isiqhumane esinamandla esijwayelwe ukustshenziswa ukuqhumisa ama-ATM.

       - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter