UZille wake wazwakala ethi bakhuthaza ukudingida nangabe yinoma yini ethinta iqembu, kepha abasondelene naleli qembu bathi lokho akusilo iqiniso.
Kuthiwa ziningi izimfihlo ezigubezeliwe ngabathile kuleli qembu.
Nokho abakhulumela i-DA bayakuhlaba lokhu.
“Abantu bayakwazi ukuphumela obala, miningi imihlangano eba khona yamakhokhasi uma bezizwela ukuthi kukhona abangakuboni kahle,” kusho okhulumela i-DA uPhumzile van Damme.
“Ngakho akukho ukwesaba nokukhulumela izinto phansi. Wonke umuntu ukhululekile ukuthi angakhuluma ngalokho okumhluphayo.”
UNtuli wesula njengomholi wentsha ngesonto eledlule – kuthiwa lokhu wakwenzela ukuthi akwazi ukuchitha kahle isikhathi ebhekene nomsebenzi ajutshelwe kuwona eMkhanyakude, enyakatho ne-KZN ngasemngceleni wezwe neMozambique.
Kuthiwa lesi senzo senzelwa ukuthi uNtuli ahluleke, njengoba ejutshwe endaweni ekude lapho engazi muntu khona, kusho umthombo.
- “Like” ikhasi lethu kuFacebook ukuze uthole izindaba ngolimi lwakho