Pretoria – Kugqekezwe isitolo sakwaTelkom enxanxatheleni yezitolo iKolonade, eMontana, ePitoli, kwathathwa impahla yemali elinganiselwa ku-R200 000, kusho amaphoyisa athi isehlakalo senzeke ngoLwesibili ebusuku.
"Amadoda amabili abehlomile angene kulesi sitolo aphoqa abasebenzi ukuba baye ngemuva ngaphambi kokuba athathe amaselula abiza imali engu-R200 000," kusho uCaptain Johannes Maheso.
Amadoda amabili kwamane, angene kulesi sitolo kwathi amanye alinda ngaphandle.
UMaheso uthe akudutshulwanga muntu futhi akekho nolimele.
Umphathi wenxanxathela yezitolo akatholakalanga ukuphawula.
- “Like” ikhasi lethu kuFacebook ukuze uthole izindaba ngolimi lwakho