Cape Town – Iqembu labalisa abebehlome ngezibhamu babambe inkunzi isitolo sakwaWoolworths enxanxatheleni yezitolo iCanal Walk eMilnerton eKapa ngokusho kwamaphoyisa.
Lesi sigameko senzeke ngoMsombuluko ekuseni njengoba laba basolwa bebaleke nesamba semali esingadalulwanga.
Abasolwa abebegqoke izimpahla zokusebenza ezigqokwa ngosonkontileka bakwazile ukunqoba onogada ngezikhathi zabo-7:30 ekuseni ngoMsombuluko, kusho okhulumela amaphoyisa uCaptain FC van Wyk.
OLUNYE UDABA: Isinde ngokulambisa ingane egwazwe olwandle
Kubikwa ukuthi babaleke ngemoto yohlobo lweToyota Verso emhlophe.
Akulimalanga muntu kulesi sigameko njengoba nezibhamu zigcine zingasetshenziswanga.
AbakwaWoolworths basiqinisekisile lesi sigameko esenzeke ngoMsombuluko ngaphambi kokuthi kuvulwe izito ekuseni.
Isitatimende sakwaWoolworths sidalule ukuthi imali ithathwe ehhovisi elingemuva.
- “Like” ikhasi lethu kuFacebook ukuze uthole izindaba ngolimi lwakho