Johannesburg – Ezinye zezindawo zaseGoli zibenokuzamazama komhlaba ngoMgqibelo ekuseni.
Intatheli yeNews24, uNaledi Shange, uthe uzwe ukuzamazama komhlaba ePimville, eSoweto.
"Ngiqale ngacabanga ukuthi kukhona into eqhumayo. Kwazamazama umhlaba isikhashana,” usho kanje.
Funda nalolu daba: Amakhasimende akwaStandard Bank abhekane nenkinga
UFuniwe Daweti naye ongowasePimville uthe: "Ngizwe umsindo kodwa ngenxa yokuthi bengisendlini ngazitshela ukuthi ukuduma kwezulu.”
UMichelle Grobbelaar, oyimenenja eCouncil for Geoscience uthe imishini yabo ikhombisa ukuthi kubenokuzamazama komhlaba okungalinganiselwa ku-2.5 magnitude ngezithuba zabo-8:30.
"Lokhu kuzamazama kuncane kakhulu ukuba abantu bangakuzwa futhi asilindele ukuba ngabe kuzwakale ezindaweni eziningi,” usho kanje.
"Kodwa ke lena kusayimiphumela yesikhashana futhi kusazodingeka kwenziwe ucwaningo ukuze siqinisekise.”
– "Like" ikhasi lethu ku-Facebook uze ukwazi ukujoyina inkulumo ngolimi lwakho.