Durban - Amalungu abedinwe ethelwa ngamanzi abhikishe ngaphandle kwendlu yesonto efuna ukuba uMfundisi uMonwabisi Moses axoshwe kuleli bandla lamaWeseli Kwa-Ndengezi, ngaseThekwini.
Abazalwane bathi umfundisi ubaphoqa ukuba banikele ngemali enkulu.
Ngesikhathi abanye abazalwane bebhikisha bephethe izingqwebhe, abanye bebeqhubeka nenkonzo ngeSonto.
Elinye ilungu lebandla, elingafunanga kudalulwe igama lalo, lithe: “Umfundisi uyasiphoqa ukuba sinikele ngaphezulu kwalokho esinakho. Asazi ukuthi uyenzani umali yethu.”
Funda nalolu daba: Sihambisana nodlame isiteleka samatekisi eThekwini
“Umfundisi uMoses usandakufika lana kodwa useshintshe izinto eziningi. Amalungu angasebenzi kumele akhokhe u-R50 ngenyanga. Abasebenzayo bona bakhokha u-R200. Akafuni ukungcwaba abanganikeli ngemali.”
Amalungu athi acasuka kabi ngesikhathi umfundisi efuna umndeni kagogo oneminyaka engu-92, ongasekho emhlabeni, ukhiphe u-R1 200.
Isikhulu sebandla u-Andrew Robinson uthe umbhikisho awuhambisani nendlela yokuziphatha kwebandla, kubika iDaily Sun.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.