Durban – Kubonwa ngokusa kumshayeli wesithuthuthu oshayise imoto emgwaqweni Umhlanga Rocks Drive ngaseLa Lucia ngokusho kombiko.
Kuphoqeleke ukuthi alandwe ngendiza enophephela emhlane lo mshayeli ngemuva kwale ngozi enyantisayo eyenzeke kule ndawo yabadla izambane likapondo enyakatho yeTheku ngoLwesihlanu.
Okhulumela iCrisis Medical uKyle van Reenen uthe abosizo lokuqala bafike endaweni yesigameko bathola ukuthi isithuthuthu singene ngemuva kwemoto.
OLUNYE UDABA: Ayikho i-fire pool eQunu - Umzukulu kaMandela
“Umshayeli wesithuthuthu oneminyaka engu-29 ubudala ulimale kanzima kule ngozi.
Kuphoqeleke ukuthi abosizo lokuqala basebenze kanzima ukuzama ukuhlenga impilo yakhe njengoba eze waxhunywa nemishini ukumsiza aphefumule,” esho.
Kwenzeka le ngozi nje uNgqongqoshe wezokuThutha KwaZulu Natal usanda kuxwayisa abasebenzisa umgwaqo ukuba baqikelele kule mpelasonto njengoba kuzobe kunomcimbi weVodacom Durban July.
- “Like” ikhasi lethu kuFacebook ukuze uthole izindaba ngolimi lwakho