Kuboshwe 23 ngezidakamizwa eBallito

Durban – Amaphoyisa abophe abasolwa abangu-23 aphinde ashaqa nezidakamizwa ezingabiza u-R500 000 emzini oseBallito nokuyisigameko sesibili sokushaqwa kwezidakamizwa zalesi sibalo KwaZulu Natal. .

Amaphoyisa ngokubambisana kwawo, uphiko lwe-SAPS, ezobunhloli noklebe agasele emzini emibili yaseBallito.

“Emzini wokuqala amaphoyisa athole abesifazane abayisithupha bekhiyelwe ngaphakathi nemishini yokubopha izidakamizwa.

Laba besifazane bathathwe ngamaphoyisa ukuze bayophoswa ngemibuzo,” kusho isitatimende samaphoyisa.

OLUNYE UDABA: Zisenkingeni izisebenzi zakwa-KFC oseMhlanga

“Ngemuva kophenyo olunzulu oluholele amaphoyisa kule mizi eseBallito lapho kuboshwe khona abantu abangu-23,” kuqhuba isitatimende.

Laba  bathweswe amacala okusebenzisa izidakamizwa kanti bavele kafushane eNkantolo yeMantshi yaseThekwini ngoLwesibili.

UKhomishana wamaPhoyisa KwaZulu Natal uLieutenant General Mmamonye Ngobeni uwushayele ihlombe umsebenzi wamaphoyisa wabe esenxusa umphakathi ukuthi usebenzisane namaphoyisa ukulwa nobugebengu ezindaweni ohlala kuwo.

       - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter