Durban – Amaphoyisa asebophe abalisa abathathu ngesigameko sokudutshulwa kubulawe abantu endaweni yokucima ukoma eFine Town ngokusho kombiko.
“Amalungu omphakathi nawo adlale indima ukuze kuboshwe laba basolwa.
Baboshelwe endaweni yase-Innerdale ngoMgqibelo ntambama,” kusho okhulumela amaphoyisa uLieutenant Colonel Lungelo Dlamini.
Ithimba eliyisipesheli labaphenyi beselijutshiwe ukuthungatha laba basolwa abathinteka kulesi sigameko sokubulawa kwabantu abane ngoLwesihlanu ebusuku.
OLUNYE UDABA: Osemnkantshubomvu ugxeka ukusebenza komthetho kuleli
Kubikwa ukuthi laba basowla bagasele ethaveni bavulela ngenhlamvu bebhekise kubantu abebeziphuzela.
Ngemuva kwalokhu bashaye bachitha ngemoto yohlobo lweToyota Quantum enezinombolo ezingaziwa.
“Imbangela yalesi sigameko ibingakaziwa okwamanje,” kusho uDlamini. Ababulewe kulesi sigameko uSiphosakhe Dlamini, Xolani Fiva, Lemewane Mokhele noVusi Mokhele.
Iminyaka yabo ibingakaqinisekiswa. Abanye abani balimalile kulesi sigameko base bephuthunyiswa esibhedlela.
- “Like” ikhasi lethu kuFacebook ukuze uthole izindaba ngolimi lwakho