Durban – Amaphoyisa aseMbazwana abophe abasolwa abahlanu ngokudala uthuthuva emphakathini ngemuva kokuba amalungu omphakathi engenele umbhikisho ngokusho kwamaphoyisa.
Okhulumela amaphoyisa uColonel Jay Naicker uthe amalungu omphakathi waseMbazwana angenele umbhikisho ongekho emthethweni ezintatha zongoMgqibelo.
“La malungu avale umgwaqo ngezinguzunga zamatshe waphinde washisa namathayi emgwaqweni ukhala ngokugqoza kwentuthuko endaweni,” echaza kwisitatimende esikhishwe amaphoyisa.
OLUNYE UDABA:Owesifazane uboshelwe ukusiza kudlwengulwe indodakazi
Uthe amaphoyisa abikeliswe ngalesi sigameko abe esenikela khona.
“Amaphoyisa afike anxusa umphakathi ukuba uhlakazeke nodwa wanqaba.
Abasolwa abahlanu bathathiwe bayovalelwa esiteshini samaphoyisa.”
Uqhube wathi laba basolwa bazobhekana necala lokudala udlame emphakathini kanti bazovela eNkantolo yeMantshi yaseJozini maduze.
- “Like” ikhasi lethu kuFacebook ukuze uthole izindaba ngolimi lwakho