Kuboshwe 8 ngokuduna iloli likagwayi eGoli

Johannesburg – Kuboshwe abantu abangu-8 ngezinsolo zokudunwa kweloli likagwayi eSando empumalanga yaseGoli ngokusho kombiko.

Leli qembu lisolwa ngokuduna leli loli labe selithatha ugwayi lawugcwalisa kwitekisi yohlobo lweToyota Quantum.

Ngemuva kwalokhu balilaxaza kanjalo leli loli izigebengu zabaleka ngeQuantum, kusho okhulumela amaphoyisa uLieutenant Colonel Katlego Mogale.

Uqhube wathi amaphoyisa akwaMetro Ekuhruleni athintiwe ngalesi sigameko abe eseqala uphenyo.

Uphenyo lwamaphoyisa luwaholele emzini oseKempton Park.

OLUNYE UDABA: Kuboshwe 23 ngezidakamizwa eBallito

“Abasolwa abangu-8 okuhlanganisa oyedwa wesifazane nabalisa abayisikhombisa abaneminyaka ephakathi kuka-30 no-40 abatholwe kulo muzi,” kusho uMogale.

“Kuphinde kwatholakala ugwayi ongabiza u-R280 000 nezibhamu ezimbili ezingekho emthethweni.”  

Laba bathweswe icala lokubamba inkunzi nokutholakala nezimpahle ezebiwe nezibhamu ezingekho emthethweni nezinhlamvu.

“Sisazoqhubeka nophenyo ukuze sibone ukuthi abathinteki yini kwamanye amacala alolu hlobo,” kusho uMogale.

Kulindeleke ukuthilaba basolwa bavele enkantolo maduze.

       - “Like” ikhasi lethu kuFacebook ukuze uthole izindaba ngolimi lwakho

           - Landela IzindabaNews24 kuTwitter