Amadoda amathathu angawokudabuka ePakistan, aphakathi kweminyaka engu-21 no-35 ubudala, asolwa ngokugwaza abulale owesilisa waseBangladesh, uTariq Rashid Mohamed, 31, kusho uBrigadier Selvy Mohlala.
Bakhalelwe ngamasongo kaSigonyela ngoLwesine ngemuva kokuthi amaphoyisa ebikelwe ngesigameko sengxabano.
OLUNYE UDABA: Uzibulele ubaba wosolwa ngelokubulala
"Athe amaphoyisa efika endaweni yesehlakalo atshelwa ngale mpi, kwathiwa isisulu sesiphuthunyiswe esibhedlela,” kusho uMohlala.
UMohamed, ogwazwe amanxeba amaningi esifubeni, ekhanda nasemhlane, uhlonzwe njengoshonile esefika esibhedlela.
Abasolwa bazovela eNkantolo yeMantshi yase-Ermelo ngoMsombuluko.
- “Like”
ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter