Kuboshwe abebebamba inkunzi onogada bemali eThekwini

Johannebsurg - Abantu abane ababambe inkunzi onogada abebeyolanda imali egaraji likaphethiloli eGreenwood Park, eThekwini, baboshwe ngoMsombuluko, kusho amaphoyisa aKwaZulu-Natal.

"Abasolwa babambe inkunzi onogada bemali baphinde badubula kuleso sehlakalo,” kusho uColonel Jay Naicker.

Amaphoyisa aseGreenwood Park abeseduzane ngaleso sikhathi, aphuthume endaweni yesehlakalo.

Kubenokudubulana phakathi kwabasolwa namaphoyisa.

Funda nalolu daba: Ziyalulama izingane ezidubuleke eKapa.

"Abasolwa abathathu babaleke ngezinyawo kwathi oyedwa wabaleka ngemoto,” kusho uNaicker.

"Amaphoyisa akwazile ukubamba abasolwa abebebaleka ngezinyawo ababopha kanti bebephe ibhokisi lemali kanye nesibhamu,” usho kanje.

Kuthiwa umsolwa wesine, obaleke yedwa ngemoto, ubanjwe waboshwa kanti moto ebebaleka ngayo beyebiwe endaweni yasePinetown.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).